பருவநிலை மாற்றத்தால் சிந்து சமவெளி நாகரீகம் அழிந்தது: புதிய ஆய்வில் தகவல்

சிந்து சமவெளி நாகரீகம் வரலாற்று சிறப்பு மிக்கதாகும். மொகஞ்சதாரோ ஹரப்பா ஆகிய இடங்களில் புதையுண்ட நகரங்கள் அகழ்வாராய்ச்சியின் மூலம் கண்டுபிடிக்கப்பட்டுள்ளது.

 

தற்போது இவை பாகிஸ்தானில் உள்ளன. இந்த சிந்து சமவெளி நாகரீகம் கடந்த 5,200 ஆண்டுகளுக்கு முன்பு தோன்றியுள்ளது. இதையடுத்து 3 ஆயிரம் முதல் 3900 ஆண்டுகளுக்கு இடைப்பட்ட காலத்தில் அங்கு நகரங்கள் உருவாக்கப்பட்டுள்ளன.  

 

செழிப்பாக இருந்த அப்பகுதியில் பருவநிலை மாற்றம் காரணமாக மழை பொய்த்து விட்டது. இதனால் சிந்து நதியில் வெள்ளப்பெருக்கு ஏற்படாமல் தண்ணீர் வற்றி விட்டது.

 

இதையடுத்து 4 ஆயிரம் ஆண்டுகளுக்கு முன்பு இது அழிந்து மண்ணோடு மண்ணாகி புதைந்து விட்டது. இந்த தகவலை புதிய ஆய்வின் மூலம் அகழ்வாராய்ச்சியாளர்கள் கண்டுபிடித்துள்ளனர்.

 

அமெரிக்காவை சேர்ந்த லிவியூ சியோசன் தலைமையிலான குழுவினர் கடந்த 2003 முதல் 2008-ம் ஆண்டு வரை நடத்திய ஆய்வில் இது தெரிய வந்துள்ளது.